Божественная Литургия в День памяти равноапостольного великого князя Владимира и День церковно-государственного праздника Крещения Руси
28 июля 2024 года, в Неделю 5-ю по Пятидесятнице, день памяти равноапостольного великого князя Владимира, день церковно-государственного праздника Крещения Руси, Преосвященный Диодор епископ Мелекесский и Чердаклинский совершил Божественную Литургию святителя Иоанна Златоуста в храме Казанской иконы Божией Матери г. Димитровграда.
Его Преосвященству сослужило духовенство кафедрального собора.
Богослужебные песнопения исполнил хор Спасо-Преображенского кафедрального собора.
На сугубой ектении были вознесены особые прошения:
«Благодаряще со страхом и трепетом, яко раби непотребнии, Твоему благоутробию, Спасе и Владыко наш, Господи, о Твоих благодаяниих, яже излиял еси на Землю нашу от Крещения ея и до ныне, и припадаем, и славословим Тебе, яко Богу, приносим, и умиленно вопием: избави от всех бед люди Твоя и всегда, яко Милостив, исполни во благих прошения наша, прилежно молимся Тебе, услыши и помилуй.
Еще молимся Тебе, Спасителю нашему, чрез благовернаго князя Владимира благоволившему избрати род наш в наследие Свое и в купели Крещения даровати Духа Святаго, о еже Церковь нашу Святую от расколов и нестроений соблюсти, и в единомыслии веры ея утвердити, и миром оградити, рцем вси: Господи, услыши и помилуй.
Еще молимся Тебе, Господи Вседержителю, о еже призрети и утвердити виноград сей, егоже насади и сохрани от всех наветов вражиих десница Твоя; и в предняя лета даруй наследию Твоему мир и безмятежие, да не умалится и не поколеблется Русь Святая, юже избрал еси в жилище Себе, да славится Трисвятое Имя Твое, услыши и помилуй.
Давый заповедь Твою нам, еже любити Тебе, Бога нашего, и ближняго своего, сотвори, да ненависти, вражды, обиды и прочая беззакония прекратятся, истинная же любовь да царствует в сердцах наших, молим Ти ся, Спасителю наш, услыши и милостивно помилуй.
Еще молимся Тебе, Господу Спасителю нашему, о еже прияти молитвы нас недостойных рабов Твоих в сию годину испытания, пришедшую на Русь Святую, обышедше бо обыдоша ю врази, и о еже явити спасение Твое. Рцем вси, Господи, услыши и помилуй.
Еще молимся о еже благосердием и милостию призрети на воинство и вся защитники Отечества нашего, и о еже утвердити нас всех в вере, единомыслии, здравии и силе духа. Рцем вси, Господи, услыши и милостивно помилуй».
Его Преосвященство так же совершил молитву о Руси.
«Триипостасный Боже, Отче Вседержителю, Сыне Единородный, Спасителю мира, и Душе Святый, просвещаяй и освящаяй племена и народы! Иже и владыку Земли Русския, князя Владимира, к свету истинныя веры наставивый, и тем всю страну нашу Крещением просветивый, и сонмом святых, яко пресветлым звездам, небо Церкве нашея украсившим, возсияти даровавый! И нам, смиренным и недостойным чадом их, ныне предстоящим славе Твоей и благодарственное молебное пение приносящим за все благодеяния, бывшая на Руси от лет древних и до ныне. Призри на ниву Твою, Церковь Святую, на страны и народы, преемственно воспринявшие веру православную из единой купели Крещения в водах днепровских и ныне приносящих Тебе, якоже прекрасный плод спасительнаго сеяния Слова Твоего, лики святых. Тии бо послужиша людем своим верою, надеждою и любовию, образом слова и жития указующе нам путь к совершенству по заповеди Христовой: будите убо совершени, якоже и Отец ваш Небесный совершен есть. Сохраняюще сие святое наследие их, молим Тя, Жизнодавче: спаси и помилуй нас, мир миру Твоему даруй и всему созданию Твоему, егоже по грехом нашим сыны века сего погубити тщатся. Вемы бо, яко не хощеши смерти грешников, но еже обратитися и живым им быти; призри на нас, во гресех пребывающих, отврати гнев Твой, праведно движимый на ны, даруй нам покаяние и Твоим неизреченным милосердием помилуй нас. Приими молитвы и труды наша о умножении любве среди всех людей мира сего. Землю нашу огради, власти умудри, вся утеши и умири, Церковь Твою возрасти, достояние Твое соблюди, мужи и жены, и младенцы благодатию просвети, и вся люди Твоя в Православии и благочестии утверди молитвами Пречистыя Твоея Матере, силою Честнаго и Животворящаго Креста и Всех святых, в Земли нашей просиявших, да в единении веры и любве славим Тя, Отца и Сына и Святаго Духа, во веки веков»
По заамвонной молитве Владыка Диодор совершил славление равноапостольному князю Владимиру.
В завершение молебна было возглашено многолетие:
«Великому Господину и Отцу нашему Кириллу, Святейшему Патриарху Московскому и всея Руси и Свято-Троицкия Сергиевой Лавры священноархимандриту, и Господину Высокопреосвященнейшему Лонгину митрополиту Симбирскому и Новоспасскому и Господину нашему Преосвященнейшему Диодору епископу Мелекесскому и Чердаклинскому, Преосвященным митрополитам, архиепископам и епископам, Богохранимей стране нашей, Президенту ея Владимиру Владимировичу, властем, воинству и народам ея, всему освященному собору, благочестия ревнителем и учителем, и всем во Православии в Земли нашей подвизающимся словом, писанием, учением и богоугодным житием, и всем православным христианом — многая лета»
По окончании Богослужения Преосвященный Владыка по традиции обратился к верующим с архипастырской проповедью.
